«Тілашар» облыстық интеллектуалдық олимпиадасының қорытындысы
Дата публикации: 23.10.2024 в 18:41
Республика күніне орай, 2024 жылдың 23 қазанында Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы «Тілашар» облыстық интеллектуалдық олимпиадасын өткізді.
Олимпиаданың мақсаты – дарынды оқушыларын анықтау және жан-жақты қолдау, олардың шығармашылық тұрғыдан өзін-өзі жүзеге асыруына ықпал ету.
Олимпиадаға облыс бойынша 100-ге жуық жас білгірлер қатысты.
Олимпиада 1 сынып оқушылары үшін өткізілді. Олимпиадаға қатысушылар құрамы 10 қатысушы және 1 топ жетекшісінен тұрды.
Олимпиада (жол парағына сәйкес) командалардың рет-ретімен әр түрлі іздемпаздық, зерттеушілік, шығармашылық қасиеттерін ашатын тапсырмалардан тұрды. Әр команда белгілі бір уақытта тиісті тапсырмаларды орындады.
Салтанатты марапаттау рәсімінде Шығыс Қазақстан облысы білім басқармасының басшысының орынбасары Ақылбек Алима олимпиадаға қатысушыларды құттықтап, бірінші сынып оқушыларына нұрлы жол, оқуда табыс тіледі.
Олимпиаданың қорытындысы бойынша І дәрежелі дипломмен:
– Өскемен қаласының «Жалын» командасы;
– Өскемен қаласының «Болашақ» командасы;
– Өскемен қаласының «Лицеисты» командасы.
ІІ дәрежелі дипломмен:
– Риддер қаласының «Болашақ Stars» командасы;
– Ұлан ауданының «Жас Ұлан» командасы;
– Өскемен қаласының «SmartBala» командасы.
ІІІ дәрежелі дипломмен:
– Шемонаиха ауданының «Умняшки» командасы;
– Самар ауданының «Балдырған» командасы;
– Күршім ауданы «Күршім көзайымдары» команда қатысушылары марапатталды.
Барлық қатысушыларға дипломдар және кеңсе тауарлары салынған сөмке мен тәтті сыйлықтар табысталды.
Олимпиадаға қатысушыларды, олардың ата-аналарын және ұстаздарын құттықтаймыз!
Алдағы уақытта табыстар мен жоғары жетістіктер тілейміз!