Правила проведения областного этапа республиканского форума юных краеведов, экологов и натуралистов «Табиғатты аяла»
Дата публикации: 21.01.2025 в 15:04
1. Жалпы ережелер
1.1. «Табиғатты аяла» жас өлкетанушылар, экологтар мен табиғат зерттеушілерінің республикалық форумының облыстық кезеңін өткізу ережелері (бұдан әрі – Форум) оның мақсатын, міндеттерін, қаржыландыруын, ұйымдастыру форматын, өткізу тәртібін, қатысушылар мен жеңімпаздарын анықтайды.
1.2. Шығыс Қазақстан облысының білім басқармасы, дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы» (бұдан әрі – ДпҚББД ШҚ ҒӘ «Дарын» орталығы) Форумның ұйымдастырушылары болып табылады.
1.3. Форум қашықтық форматта өткізіледі.
1.4. Форумның мақсаты – білім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қарым-қатынасты тәрбиелеу.
1.5. Форумның міндеттері:
– қоршаған ортаны қорғау міндеттерін шешуде олардың кәсіби өзін-өзі анықтауына ықпал ету, білім алушыларды практикалық қатысуға тарту үшін жағдай жасау;
– білім алушылардың табиғи және жасанды экожүйелерді зерттеу мен сақтау бойынша қызметіне қызығушылықтарын қолдау;
– білім алушылар мен педагог қызметкерлер арасында шығармашылық байланысты орнату және жұмыс тәжірибесімен алмасу;
– еліміздің жас тұрғындарында экологиялық мәдениетті және адамзат алдында тұрған ғаламдық мәселелер тарапынан белсенді өмірлік ұстанымды қалыптастыру;
– балаларды іс-шараларға араластыру арқылы қосымша білім беру жүйесіндегі қамтылуын көтеруге жағдай жасау.
1.6. Форумды ұйымдастырушылар ұйымдастыру комитетінің және әділ қазылар алқасының құрамын қалыптастырады, тікелей өткізуді жүзеге асырады, нәтижелерді талдайды және қорытындысын шығарады.
2. Форумды өткізу мерзімі мен орны
2.1. Бұқаралық іс-шараларға қатысу арқылы балалардың қосымша біліммен қамтуын арттыру үшін Форум үш кезеңде өткізіледі:
Бірінші кезең (іріктеу) – мектепішілік (2025 жылдың наурызы);
Екінші кезең (іріктеу) – аудандық/қалалық (2025 жылдың 15 сәуіріне дейін);
Үшінші кезең – облыстық (2025 жылғы 29 сәуір, қашықтықтан).
2.2. Форумның іріктеу кезеңдерін өткізу мерзімдері аудандық (қалалық) білім бөлімдері басшыларының, мамандандырылған білім беру ұйымдары директорларының бұйрықтарымен анықталады.
2.3. Қалалық, аудандық білім бөлімдері басшыларының және дарынды балаларға арналған мамандандырылған мектеп директорларының қолы қойылған Форумға қатысу туралы өтінім 2025 жылдың 20 сәуіріне дейін konkurs.vko@ mail.ru электронды поштасына қабылданады.
2.4. Әр ізденуші бір ғана өтінім жібере алады. Екі не оданда көп өтінімге және бірнеше авторлыққа жол берілмейді.
2.5. Форумға жіберілген жұмыстар қайтарылмайды. Форум ұйымдастырушылары қатысушылардың жұмыстарын авторын көрсету арқылы БАҚ-та жариялауға құқылы.
3. Форум қатысушылары
3.1. Форумға аудандық/қалалық іріктеу кезеңдерінен өткен жалпы орта білім беретін мектептер мен қосымша білім беру ұйымдарының оқушылары қатысады.
Қатысушылардың жасы: 12-17 жастағы оқушылар (2025 жылдың мамыр-маусым айларында!).
3.2. Топтың құрамы әр аудан/қаладан және дарынды балаларға арналған мамандандырылған білім мекемелерінен 9 оқушы болуы қажет.
4. Форумды өткізу шарты мен тәртібі
4.1. Форум келесі номинациялар бойынша өткізіледі:
1. «Жасыл клуб» номинациясы – зерттеу жобаларының байқауы:
а) жасыл қала – қоршаған ортаны жақсартуға бағытталған технологиялар (1 қатысушы);
б) болашаққа көзқарас – экологиялық білім беру жобалары, волонтерлік жобалар және қоғамдық ұйымдардың іс-шаралары (1 қатысушы);
в) инновациялық экологиялық бизнес-идеялар – тұрақты бизнесті дамыту, экологиялық таза технологиялар мен өмір сапасын жақсартуға бағытталған бастамалар (1 қатысушы).
Номинация бойынша www.youtube.com каналында орналастырылған презентациялардың сілтемесі ұйымдастырушының электронды поштасына қабылданады. Жоба презентациясы – 15 беттен аспауы тиіс.
Бағалау өлшемдері:
– зерттелетін мәселенің өзектілігі мен жаңалығы;
– жүргізілген зерттеулердің дәрежесі мен көлемі;
– қойылған міндеттерді орындау нәтижелілігі;
– жұмыстың практикалық маңыздылығы мен тиімділігі;
– автордың қосқан жеке үлесі.
2. «Жасыл сахна» номинациясы – қуыршақ театры арқылы шығармашылық және қызықты түрде экологиялық мәселелерге арналған бейнероликтер байқауы. Экологиялық қуыршақ театры – экология мен өнерді біріктіреді. Қуыршақ қойылымын қою үшін қуыршақ театрының балалары, мектеп оқушылары дайындаған қол қуыршақтарын пайдалану қажет (8 қуыршақтан артық емес). Дайын қуыршақтарды пайдалану ұсынылмайды. Ұзақтығы 10 минуттан аспайды (4 қатысушы).
Бағалау өлшемдері:
– номинацияға сәйкестігі;
– қуыршақтарды басқару шеберлігі, актерлік ойын;
– репертуардың күрделілігі, жаңалығы;
– қуыршақтар;
– декорациялар эстетикасы;
– техникалық және музыкалық сүйемелдеу.
Номинация бойынша www.youtube.com каналында орналастырылған бейнематериалға сілтеме ұйымдастырушының электронды поштасына қабылданады.
3. «Экоблогер» әлеуметтік бейнематериал номинациясы– Қазақстанның заманауи әлеуметтік мәселелеріне арналған әлеуметтік бейнероликтер байқауы. Рұқсат етілмеген полигондар, қайта өңделмейтін қаптамаларды бақылаусыз өндіру, энергия мен су ресурстарын ысырап ету, ойланбастан тұтыну және өз денсаулығына зиян келтіру, мәдени және әлеуметтік тәрбиенің бұзылуы (1 қатысушы). Бейнеролик ұзақтығы – 5 минуттан аспауы тиіс.
Байқауға www.youtube.com каналында орналастырылған бейнематериалға сілтемеұйымдастырушының электронды поштасына қабылданады.
Аталған сұраққа стандартты емес тәсілмен қарауға, түсірілім, анимация және компьютерлік графика тәрізді визуалды ұсыну тәсілдерін, музыкалық және дыбыстық сүйемелдеу қолданылады.
Бағалау өлшемдері:
– стилистикалық шешім;
– практикалық қолданылымы;
– жасампаздығы;
– әлеуметтік маңыздылығы;
– бейнематериал сапасы.
4. «Үздік Эко-дизайн» номинациясы – мектеп оқушыларының экологиялық мәдениетін тәрбиелеу және экологиялық жобаларды жүзеге асыруда оң шығармашылық тәжірибені жалпылау мақсатында жүзеге асырылады. Әртүрлі қалдықтардан және қайта өңдеуге болатын материалдардан, пайдаланылған заттардан, әртүрлі қаптамалардан және т.б. жасалған шығармашылық жұмыстардың орындалуының барлық кезеңдері көрсетілген бейнематериалдар мен қорытынды фотосуреттер (3 дана) қабылданады. Үлгі тақырыптар: «Эко-сөмке», «Қолдан жасалған ойыншық», «Пайдалы зат» т.б. командада 1 қатысушы үш жұмысты қорғайды.
Жұмысқа жапсырма (этикетка) (6х6 см) қоса тіркеледі, онда жұмыстың аталуы, қатысушының Т.А., жасы, білім беру ұйымы, қала, аудан, облысы көрсетіледі.
Бағалау өлшемдері:
– тақырыпқа сәйкестігі;
– түпнұсқалық;
– практикалық;
– жобаның эстетикалық көрінісі;
– дәлдік;
– құрылымдық беріктігі;
– өсімдік материалының өміршеңдігі (бар болса);
– жобаны орындау сапасы.
Номинация бойынша www.youtube.com каналында орналастырылған бейнематериалға сілтеме және фотосуреттер ұйымдастырушының электронды поштасына қабылданады.
4.2. Әр номинацияға қатысу міндетті. Бір қатысушы бір жоба ұсынады.
5. Форумның қорытындысын шығару және жеңімпаздарды марапаттау
5.1. Кәсіби қазылар алқасы байқау жұмыстарын 10 ұпайлық жүйе бойынша Форумның бағалау өлшемдеріне сәйкес бағалайды. Қазылар алқасының шешімі түпкілікті және хаттамамен ресімделеді.
5.2. Форумның қорытындысы бойынша қазылар алқасының мүшелері жеңімпаздарды анықтайды. Жеңімпаздар I, II, III дәрежедегі дипломдармен марапатталады. Жеңімпаз дипломында оқушыны Форумға дайындаған жетекшінің немесе мұғалімнің аты, тегі көрсетіледі. Барлық қатысушыларға Форумға қатысқаны туралы сертификаттар беріледі.
5.3. Номинациялар бойынша барынша жоғарғы ұпай жинаған қатысушылар 2025 жылдың мамыр айында өтетін «Табиғатты аяла» жас өлкетанушылар, экологтар мен табиғат зерттеушілерінің қашықтықтан өтетін Республикалық форумына жолдама алады.
Анықтама телефоны: 8 (7232) 75-26-91.
6. Форумды қаржыландыру
6.1.7Форумды қаржыландыруды бекітілген сметаға сәйкес ДпҚББД ШҚ ҒӘ «Дарын» орталығы жүзеге асырады.