Облыстық интеллектуалдық «Малахит» конкурсын өткізу туралы
Дата публикации: 24.01.2025 в 15:58
Шығыс Қазақстан облысы білім басқармасының дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы 2025 жылдың 31 қаңтарынан 01 ақпанына дейін оқушылардың оқу әрекетін ынталандыру, математика пәні бойынша оқуға қызығушылықтарын арттыру мақсатында 1-11 сынып оқушылары үшін облыстық интеллектуалдық «Малахит» конкурсын (ары қарай – Конкурс) өткізетінін хабарлайды.Конкурсқа қатысу ерікті болып табылады, оқушыларды Конкурсқа қатысуға олардың қалауына қарсы тартуға тыйым салынады. Конкурсқа қатысу туралы шешімді оқушылар мен олардың ата-аналары (заңды өкілдері), мектептің қамқоршылық кеңесі қабылдайды. Конкурс барлық қатысушылар үшін алдын-ала іріктеусіз өткізіледі. Конкурсқа қатысу ақысыз.Конкурс бір уақытта онлайн режимінде өткізіледі. Оn-lineтестілеу 2025 жылдың 31 қаңтары күнісағат 09:00-ден бастап 01 ақпаны сағат 20:00-ге дейін (Астана қаласының уақыты бойынша) https://shygysdaryn.ai.kz сайтында қолжетімді болады. Конкурс 4 нұсқасы бар 30 мәтіндік тест тапсырмаларынан тұрады. Конкурс тапсырмаларын орындау – 60 минут.
Конкурстың қорытындысы бойынша ата-аналарының (заңды өкілдері) қалауы бойынша ниет білдірген жағдайда жүлдегерлерге грамоталар, қатысушыларға сертификаттарды басып шығару үшін (құны 500 тг.) өтінім қабылданады. Төлемді АҚ «Қазақстан Халық Банкі» (ШҚ ҒӘО «Дарын»), Каспий Банкі (ШҚО «Дарын»), АҚ «Центр Кредит Банкі» («Дарын» ғылыми-әдістемелік даму орталығы) қосымшалары мен терминалдары арқылы төлеуге болады.
Грамоталар мен сертификаттарға өтінімдер төлемақы түбіртегінің көшірмесімен білім бөлімдері/мектептерден ағымдағы жылдың 21 ақпанына дейін Өскемен қаласы, Абай даңғылы, 21 мекенжайында немесе vk_daryn@mail.ru электронды поштасында төмендегі үлгі бойынша қабылданады:
| № | Орын | Қала/аудан | Мектебі | Сыныбы | Қатысушының тегі, аты (толығымен) | Дайындаған мұғалімнің АТЖ |