Ұлы Отан соғысындағы Жеңістің 80 жылдығына арналған вокал бойынша облыстық «Мөлдір нота» қашықтықтан өтетін конкурстың ережесі

Дата публикации: 28.01.2025 в 15:17

1. Жалпы ережелер

1.1. Қосымша музыкалық білім беру мекемелерінің оқушылары арасындағы Ұлы Отан соғысындағы Жеңістің 80 жылдығына арналған вокал бойынша Облыстық «Мөлдір нота» қашықтықтан өткізілетін конкурс   (бұдан әрі – Конкурс) ережесі, оны өткізудің мақсатын, міндеттерін және тәртібін анықтайды.

1.2. Конкурсты ұйымдастырушылар: Шығыс Қазақстан облысының білім басқармасы, «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы» (бұдан әрі – ДпҚББДШҚҒӘ «Дарын») Қазақстан ұлттық федерациясы ЮНЕСКО клубтарының қолдауымен Шығыс Қазақстан облысы білім басқармасы Өскемен қаласы бойынша білім бөлімінің «№1 балалар музыка мектебі» КМҚК.

1.3. Конкурс қашықтықтан өткізіледі.

1.4. Конкурстың мақсаты – вокал шығармашылығында дарынды оқушыларды анықтау және қолдау, қосымша музыкалық білім беру мекемелерінде оқушыларды қамтуды арттыру.

1.5. Конкурстың міндеттері:

– жас әншілердің музыкалық шығармашылығын танымал ету;

-.Шығыс Қазақстан облысындағы қосымша музыкалық білім беру мекемелері оқушыларының шығармашылық белсенділігін арттыру;

– Шығыс Қазақстан облысындағы қосымша музыкалық білім беру мекемелері оқытушыларының тәжірибе алмасуы.

2. Конкурсты ұйымдастырудың шарттары мен тәртібі

2.1. Конкурс 2025 жылдың 28 ақпанда өткізіледі.

2.2..Өтінімдер (№1 қосымша) және конкурстық жұмыстар (https://www.youtube.com арнасында жарияланған бейне материалға сілтеме) 2025 жылдың 24 ақпанына дейін myzschool@inbox.ru электрондық поштасы арқылы қабылданады. «Мөлдір нота» деп белгіленген.

2.3. Конкурс ақысыз тегін өткізіледі.

3. Конкурсқа қатысушылар

3.1. Конкурсқа Шығыс Қазақстан облысының қосымша музыкалық білім беру мекемелерінің оқушылары келесі жас санаттары бойынша қатысады:

1) кіші жас тобы: 5-6 жас;

2) кіші жас тобы: 7-9 жас;

3) орта жас тобы: 10-13 жас;

4) жоғарғы жас тобы: 14-16 жас.

Қатысушылардың жасы 01.01.2025 жылға қатысты есептеледі.

4. Конкурсты өткізудің шарттары мен тәртібі

4.1. Конкурс мынадай номинациялар бойынша өткізіледі:

– жеке вокал;

– вокалды ансамбль (15 адамға дейін).

Конкурсқа қатысушылар патриоттық, достық, бақытты балалық шақ тақырыптарында бір вокалдық шығарма орындайды.

Репертуар орындаушының жас санатына сәйкес болуы керек.

Шығарма жанды дауыста немесе минус фонограммамен сүйемелдеумен орындалады.

Конкурстық жұмыстарды бағалау критерийлері:

1) орындаудың вокалдық шеберлігі (интонация тазалығы);

2) орындаушылық шеберлік;

3) сахналық бейне;

4) репертуардың байқау тақырыбына сәйкестігі.

4.2. Конкурсқа қатысуға қосымша білім беру ұйымынан төрт қатысушы-солистер және бір вокалды ансамбль жіберіледі.

5. Конкурс қорытындысын шығару және қатысушыларды марапаттау

5.1. Конкурсты бағалау критерийлеріне сәйкес кәсіби қазылар алқасы Конкурстарды бағалайды. Қазылар алқасының шешімі түпкілікті болып табылады, хаттамамен ресімделеді және қайта қарауға жатпайды.

5.2. Конкурс қорытындысы бойынша қазылар алқасының мүшелері жеңімпаздарды анықтайды. Жеңімпаздар Гран-при, бірінші, екінші және үшінші дәрежелі лауреат атақтарымен марапатталады.

5.3. Конкурсқа қатысушыларға грамоталарың электрондық нұсқалары 2025 жылдың 22 сәуіріне дейін ДпҚББД ШҚ ҒӘ«Дарын» орталығының сайтында орналастырылады.

Анықтама үшін телефондар:

– Дубейко Елена Анатольевна, №1 БММ, директордың ТЖ бойынша орынбасары, Өскемен қаласы, ұялы телефон: 8(705)530-67-35.

– Муратова Мольдер Муратовна, №1 БММ, директордың ТЖ бойынша орынбасары, Өскемен қаласы, ұялы телефон: 8(777)678-64-78.