Ұлы Отан соғысындағы Жеңістің 80 жылдығына арналған «Жеңістің жұлдызды марафоны» облыстық қашықтық әскери-патриоттық әндер мен өлеңдер фестивалін өткізу туралы

Дата публикации: 30.01.2025 в 12:04

ШҚО білім басқармасының «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығының  жұмыс жоспарына сәйкес 2025 жылдың 25 сәуірінде Ұлы Отан соғысындағы Жеңістің 80 жылдығына арналған «Жеңістің жұлдызды марафоны» облыстық қашықтық әскери-патриоттық әндер мен өлеңдер фестивалін (бұдан әрі – Фестиваль) өткізу жоспарлануда.

Фестивальдің мақсаты – өскелең ұрпақты әскери-патриоттық, рухани-адамгершілік  және  эстетикалық тәрбиелеу, балалар мен жастар арасында Отанға, өз халқының ерлікке толы өткеніне және мәдениетіне құрметпен қарауды қалыптастыру.

Фестиваль номинациялары:

I. Әскери-патриоттық ән;

II. Әскери-патриоттық өлең.

Фестивальға қосымша білім беру ұйымдарының және ШҚО жалпы білім беретін мекемелерінің оқушылары қатысады.

Байқау төрт жас тобы бойынша өткізіледі:

Кіші (А) – 5-7 жас;

Кіші (В) – 8-10 жас;

Орта – 11-13 жас;

Үлкен-14-18 жас.

Фестиваль қорытындысы 2025 жылдың 05 мамырында ДпҚББДШҚҒӘ «Дарын» орталығының сайтында орналастырылады: https://www.shygysdaryn.ai.kz/.

Фестивальдің жұмыстары (бейнежазба) Ұйымдастыру комитетіне Фестивальға қатысу өтінімімен бірге (№1 қосымша) білім беру бөлімдері басшыларының, облыстық мамандандырылған мектеп директорларының қолы қойылған электронды (WORD немесе EXCEL) және сканерленген нұсқада 2025 жылдың 9-17 сәуір аралығында мына e-mail бойынша қабылданады: or-vpv@mail.ru.