Үстел теннисінен «SPECIAL OLYMPICS» қозғалысының облыстық турнирінің қорытындысы

Дата публикации: 7.02.2025 в 9:06

2025 жылдың 6 ақпан күні Өскемен қаласында Шығыс Қазақстан облыстық үстел теннисінен мамандандырылған балалар-жасөспірімдер олимпиадалық резерв спорт мектебінің (Теннис орталығы) базасында «SPECIAL OLYMPICS» қозғалысының үстел теннисінен облыстық турнирі өтті.

Турнирдің мақсаты – арнайы Олимпиадалық қозғалысты насихаттау; зияткерлік мүмкіндіктері шектеулі жаңа спортшыларды спортпен шұғылдануға тарту, оларды әлеуметтендіру және қоғамға ықпалдастыру болып табылады.

Жарысқа медициналық-әлеуметтік мекемелердің (МӘМ) және арнайы мектептердің командалары қатысты.

Қатысушылардың жасы: 12-15 жас, 16-21 жас.

Турнир Special Olympics Inc. спорт ережелеріне сәйкес өткізілді.

Жарыстың жалпыкомандалық қорытындысы бойынша келесі командалар жеңіс тұғырынан көрінді:

12-15 жас:

І орын – Алтай ауданы, «Ерекше білім беру қажеттілігі бар балаларды қолдау орталығы» КММ-нің командасы;

ІІ орын – Өскемен қаласы, «№ 8 арнайы мектеп-интернаты» КММ-нің командасы;

ІІІ орын – Риддер қаласы «№7 арнайы мектеп-интернаты» КММ-нің командасы.

16-21 жас:

І орын – Өскемен қаласы, «№ 8 арнайы мектеп-интернаты» КММ-нің командасы;

ІІ орын – Алтай ауданы, «Ерекше білім беру қажеттілігі бар балаларды қолдау орталығы» КММ-нің командасы;

ІІІ орын – Өскемен қаласы, «Жасөспірімдер үйі» КММ-нің командасы.

І, ІІ, ІІІ орын алған командалар естелік кубоктармен және дипломдармен, ойыншылар тиісті дәрежедегі медальдармен марапатталды.

Спортшыларымызды жеңісімен құттықтаймыз! Алдағы уақытта табыстар мен жеңістер тілейміз!