Робототехника бойынша «Robotek Grand Tournament» Чемпионатының облыстық кезеңін өткізу қорытындысы

Дата публикации: 7.02.2025 в 9:44

2025 жылғы 06 ақпанда Д. Серікбаев атындағы Шығыс Қазақстан техникалық университетінің базасында «Robotek Grand Tournament» робототехника чемпионатының облыстық кезеңі өтті.

Чемпионаттың мақсаты – робототехника, инженерлік ғылымдар және бағдарламалау саласындағы дарынды балаларды анықтау және қолдау, спорттық және білім беру робототехникасын дәріптеу.

Чемпионатқа 7 санат бойынша іріктеу кезеңінің жеңімпаз командалары қатысты:

– роботек;

– инверстік сызық бойымен жарыс;

– жеткізуші робот;

– мерген;

– туды жеткізу;

– сұрыптаушы робот;

– робобаскетбол.

Жарысқа қатысушы командалар қойылған міндеттерді орындай алатын автономды робот дайындады.

Жарысты бақылау мен қорытындылауды бекітілген Регламентке сәйкес Бас төреші басқаратын төрешілер алқасы жүзеге асырды.

Чемпионатың облыстық кезеңінің қорытындысы бойынша 25 команда жүлделі орындарға ие болды:

I орын – 7 команда;

II орын – 9 команда;

III орын – 9 команда.

Марапатқа ие болған жеңімпаздарды, мұғалімдерді және ата-аналарды жеңістерімен құттықтаймыз!