О проведении областного этапа республиканской олимпиады по лингвистике для учащихся 8-11 классов
Дата публикации: 1.11.2024 в 9:46
Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы 8-11 сынып оқушыларына арналған лингвистикадан республикалық олимпиаданың (бұдан әрі – Олимпиада) облыстық кезеңі өткізілетінін хабарлайды.
Олимпианың мақсаты – дарынды оқушыларды анықтау, дамыту және қолдау, қолданбалы лингвистика бойынша оқушылардың білімін жақсарту және тереңдету.
Олимпиада 3 кезеңде өтеді:
I кезең – (аудандық) – 2024 жылдың 5 қарашасында;
II кезең – (облыстық) – 2024 жылдың 20 қарашасында;
III кезең (республикалық) – 2024 жылдың 4 желтоқсанында.
2024 жылғы 31 қазанға дейін Олимпиада кезеңдерін өткізуге және академиялық адалдықты сақтауға жауапты қызметкер туралы ақпаратты (қызметкердің аты-жөні, байланыс телефоны, электрондық поштасы) ұсыну қажет.
Тапсырмалар, турларды өткізу бойынша нұсқаулықтар электрондық поштаға Олимпиада өткізілетін күні 30 минут бұрын жіберіледі.
Облыстық кезеңге қатысу квотасы әрбір аудандық, қалалық білім бөлімдері және дарынды балаларға арналған облыстық мамандандырылған мектептерден 4 оқушы, әр сыныптан бір оқушыдан (8-11 сынып).
Білім беру ұйымдарының басшылары, мамандандырылған мектеп директорларының қолымен бекітілген сұраныс пен қорытынды ақпаратты (Қосымша 1, 2) 2024 жылдың 13 қарашасына дейін «Дарын» ШҚДпҚББДҒӘО vk_daryn@mail.ru электрондық поштасына жіберу қажет.
Олимпиадаға қатысуға байланысты барлық сұрақтар бойынша 8 (7232) 700-244 телефонына хабарласуға болады.