«Ұлы өнертапқыштыққа алғашқы қадам» инновациялық идеялардың республикалық байқауының ҚОРЫТЫНДЫСЫ

Дата публикации: 7.11.2024 в 8:43

2024 жылдың 30 қазанында Шығыс Қазақстан облысының құрама командасы «Ұлы өнертапқыштыққа алғашқы қадам» инновациялық идеялардың республикалық байқауына қатысты.

Іс-шараны ұйымдастырушылар: Қазақстан Республикасы Оқу-ағарту министрлігінің «Республикалық қосымша білім беру оқу-әдістемелік орталығы» РМҚК.

Шығыс Қазақстан облысынан байқаудың облыстық кезеңінің 7 жеңімпазы қатысты.

Байқаудың мақсаты: білім алушыларды ғылым мен техниканың әр түрлі салаларында зерттеу, өнертапқыштық қызметке тарту, дарынды балаларды қолдау, тұлғаның шығармашылық құзыреттілігінде бәсекелестік артықшылықтарын қалыптастыру үшін жағдай жасау.

Байқау қорытындысы бойынша Шемонаиха ауданының «Н. А. Островский атындағы №1 жалпы орта білім беретін мектеп-гимназиясы» КММ-нің 11 сынып оқушысы Мақсұтбек Ерсін «Космонавтика және аэрокосмос техникасы саласындағы модельдер» номинациясы бойынша ІII орынды иеленді.

Ерсінді құттықтаймыз және барлық қатысушыларға шығармашылық шабыт пен сәттілік тілейміз!