Математика, физика және информатика пәндері бойынша XXI Халықаралық Жәутіков олимпиадасының қорытындысы

Дата публикации: 17.01.2025 в 19:53

2025 жылдың 13-17 қаңтары аралығында Астана қаласында математика, физика және информатика пәндері бойынша XXI Халықаралық Жәутіков олимпиадасы өтті.
Олимпиаданың мақсаты – дарынды оқушыларды анықтау, оларды зияткерлік тұрғыда одан әрі дамыту және кәсіби бағдарлау үшін жағдай жасау, оқушылар арасында физика, математика және IT білімдерін тарату және насихаттау, сондай-ақ, басқа елдердің физика-математикалық мектептерімен халықаралық ынтымақтастықты дамыту.
Халықаралық олимпиадаға Қазақстан, Қырғызстан, Өзбекістан, Түрікменстан, Тәжікстан, Ресей, Беларусь, Армения, Әзірбайжан, Түркия, Грузия, Болгария, Румыния, Сербия және Моңғолия сынды 15 елден 700-ге жуық дарынды оқушылар қатысты.
Олимпиада қорытындысы бойынша математика пәнінен ІI дәрежелі дипломмен және күміс медальмен Қазақстан ұлттық команда құрамының мүшесі, Өскемен қаласындағы дарынды балаларға арналған облыстық мамандандырылған «Білім-Инновация» лицейінің 11 сынып оқушысы Маратұлы Әлинұр марапатталды.

Жоғары нәтижеге қол жеткізуімен Әлинұрды құттықтаймыз!
Алда табыс пен жеңістер тілейміз!