«Ақ шағала» республикалық хореографиялық фестиваль-байқауының облыстық кезеңін қашықтықтан өткізу ережесі

Дата публикации: 31.01.2025 в 15:25

1. Жалпы ережелер

1.1. «Ақ шағала» республикалық хореографиялық фестиваль-байқауының облыстық  кезеңінің (бұдан әрі – Фестиваль-байқау) мақсаттарын, міндеттерін, форматын, өткізу, қаржыландыру және қорытынды шығару тәртібін анықтайды.   

1.2. Фестиваль-байқаудың ұйымдастырушысы Шығыс Қазақстан облысының білім басқармасы, Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы (бұдан әрі – ДпҚББД ШҚ ҒӘ «Дарын» орталығы).

1.3. Фестиваль-байқаудың мақсаты: білім алушылардың хореографиялық, шығармашылық қабілеттерін дамыту үшін жағдай жасау, үйлесімді тұлғаны тәрбиелеу және одан әрі дамыту бойынша жүйелі және мақсатты іс-шаралар жүргізу, рухани-адамгершілік және мәдени құндылықтарға тарту.

1.4. Фестиваль-байқаудың міндеттері:

1) білім алушыларды хореографиялық өнерге, тарихи мұраға тарту, оларды белсенді шығармашылық қызметке тарту, оларды әлеуметтендіру;

2) би мәдени дәстүрлерін қалпына келтіру, би мәдениетінің тарихын зерттеу;

3) балалардың бойында ұлттық мәдениетке, халық дәстүрлеріне патриотизм, құрмет және ұқыпты қарау сезімдерін тәрбиелеу;

4) шығармашылықпен жұмыс істейтін педагогтерді ақпараттық қолдау, ұжымдар арасындағы шығармашылық байланыстарды кеңейту және білім беру ұйымдары педагогтерінің тәжірибелерімен алмасу.

2. Фестиваль-байқаудың ұйымдастыру комитеті

2.1. Фестиваль-байқауды ұйымдастыру және өткізу үшін ұйымдастыру комитеті құрылады (бұдан әрі – Ұйымдастыру комитеті).

2.2. Ұйымдастыру комитеті:

– Фестиваль-байқаудың жалпы өткізілу тәртібін анықтайды;

– тікелей басшылықты жүзеге асырады;

– Фестиваль-байқауды қатысу үшін өтінімдерді және қажетті материалдарды қабылдайды;

– Фестиваль-байқаудың қазылар алқасының құрамын қалыптастырып бекітеді;

– Фестиваль-байқаудың жұмыстарын бағалайтын критерийлерді анықтайды;

– талдайды және қорытындылайды.

2.3. Қазылар алқасы Фестиваль-байқаудың жұмыстарын бағалайды, қорытынды шығарады, жеңімпаздар мен жүлдегерлерді анықтайды.

3. Фестиваль-байқауды өткізу мерзімі мен тәртібі

3.1. Фестиваль-байқаудың облыстық кезеңі 2025 жылдың 4 наурызында қашықтықтан өткізіледі.

3.2.  Фестиваль-байқауға өтінімдер мен байқаудың жұмыстары қалалардың (аудандардың) білім беру бөлімдерінің басшылары қол қойған 2025 жылдың 24 ақпанға дейін konkurs.vko@mail.ru электронды поштасына жіберіледі.

3.3. Өтінімге қоса тіркеледі қатысушылар туралы мәліметтер (қатысушының Т.А.Ж, туған жылы, сынып, оқу орны, топты дайындаған мұғалімнің аты-жөні, ұялы телефоны).

3.4. Қатысушылар мен топ жетекшісі туралы берілген мәліметтердің дұрыстығы және нақтылығына жіберуші тарап жауапты.

4. Фестиваль-байқауға қатысушылар

4.1. Облыстық Фестиваль-байқауға жалпы орта және қосымша білім беру ұйымдарының аудандық/қалалық кезеңнің жеңімпаздары қатыса алады. Қатысушылардың жасы: 10-17 жас.

4.2. Би тобы екі номинацияға қатысады және әр номинацияда бір конкурстық нөмір береді. Әр бидің ұзақтығы 5 минутқа дейін.

4.3. Фестиваль-байқауға қатысу үшін ұйымдастырушының электронды поштасына www.youtube.com арнасында орналастырылған бейнематериалдардың сілтемелерін жіберу қажет.

Барлығы 2 сілтеме (әр номинация бойынша бір сілтеме) жіберу қажет.

Бейнеролик сапалы, тоқтаусыз жазылуы керек. Бір роликпен тоқтаусыз, сапалы түрде бұрын жазылған дайын бейнені пайдалануға рұқсат етіледі. Әртүрлі өнер көрсетулердің «кесінділері» қарастырылмайды.

Байқауға арналған бейнеролик сапалы фонограммамен жазыла отырып, кез келген сахналық алаңдарда (сахна, табиғат, концерттік алаң және т.б.) түсірілуі тиіс.

4.4. Хореографиялық топтағы қатысушылардың жалпы саны – 8 оқушы.

5. Фестиваль-байқаудың өткізу тәртібі және шарты

5.1. Фестиваль-байқау келесі номинациялар бойынша өткізіледі:

1) халық биі және халықтық стильденген би:

а) әлем халықтарының биі;

б) қазақ биі;

2) заманауи би:

а) эстрадалық би;

б) аралас би.

5.2. Фестиваль-байқауды кәсіби әділқазылар алқасы бағалайды. Әділ қазылар алқасының шешімі хаттамамен ресімделеді.

Бағалау критерийлері:

– стильдердің үйлесімінің өзгергіштігі, өзіндік ерекшелігі және үйлесімділігі;

– композициялық шешімі;

– би қойылымы-идеясы;

– техника және орындау деңгейі;

– жоғары сапалы орындау;

– көркемдік және сюжеттік;

– сахналық көрінісі (костюм).

6. Фестиваль-байқауды қорытындылау және жеңімпаздарды марапаттау

6.1. Фестиваль-байқаудың жеңімпаздары Гран-при, I, II, III дәрежелі дипломдармен марапатталады. Барлық қатысушыларға қатысқаны үшін сертификаттар беріледі.

6.2. Фестиваль-байқау қорытындысы ДпҚББД ШҚ ҒӘ «Дарын» орталығының https://shygysdaryn.ai.kz/ сайтында жарияланады.

 Ақпарат алу үшін телефоны: 8(7232) 75-26-91.

7. Фестиваль-байқауды қаржыландыру

7.1. Фестиваль-байқауы қаржыландыруды бекітілген сметаға сәйкес ДпҚББД ШҚ ҒӘ «Дарын» орталығы жүзеге асырады.