Балалар музыка мектептерінің және өнер мектептерінің білім алушылары – жас музыканттардың республикалық фестиваль-байқауының облыстық кезеңін қашықтықтан өткізу ережесі

Дата публикации: 21.01.2025 в 15:34

1. Жалпы ережелер

1.1. Балалар музыка және өнер мектептерінің білім алушылары – жас музыканттардың облыстық қашықтық кезеңін республикалық фестиваль-байқауын (бұдан әрі – Фестиваль-байқау) өткізу ережелері оның мақсатын, міндеттерін, форматын, өткізу, қаржыландыру және қорытынды шығару тәртібін анықтайды.

1.2. Мақсаты: музыкалық дарынды білім алушыларды, дарынды балалар ұжымдарын дамыту және қолдау, олардың шығармашылық белсенділігін, кәсіби бағдарлануын ынталандыру.

1.3. Міндеттері:

1) жас музыканттардың эстетикалық, гуманистік және патриоттық сезімдерін, әлемдік және отандық көркем мәдениет дәстүрлеріне жеке қызығушылығын тәрбиелеу;

2) әр түрлі музыкалық аспаптарда балалардың орындаушылығын танымал ету, музыкалаудың ұжымдық нысандарын дамыту және жетілдіру, білім алушылардың өзін-өзі жүзеге асыру, қоғамдық тану үшін мүмкіндіктерін кеңейту;

3) музыка өнері саласында балалар шығармашылығын дамытуды ынталандыру;

4) балалар музыка мектептері мен өнер мектептері оқушыларының кәсіби дайындық деңгейін арттыру;

5) классикалық, халықтық және заманауи музыкаға деген қызығушылықты дамыту.

1.4.Байқаудың ұйымдастырушысы Шығыс Қазақстан облысы білім басқармасының дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы (бұдан әрі – ДпҚББД ШҚ ҒӘ «Дарын» орталығы).

2. Фестиваль-байқаудың Ұйымдастыру комитеті

2.1. Фестиваль-байқауды ұйымдастыру және өткізу үшін ұйымдастыру комитеті құрылады (бұдан әрі – Ұйымдастыру комитеті).

2.2. Ұйымдастыру комитеті:

– Фестиваль-байқаудың жалпы өткізілу тәртібін анықтайды;

– тікелей басшылықты жүзеге асырады;

– Фестиваль-байқауды қатысу үшін өтінімдерді және қажетті материалдарды қабылдайды;

– Фестиваль-байқаудың қазылар алқасының құрамын қалыптастырып бекітеді;

– Фестиваль-байқаудың жұмыстарын бағалайтын критерийлерді анықтайды;

– талдайды және қорытындылайды.

2.3. Қазылар алқасы Фестиваль-байқаудың жұмыстарын бағалайды, қорытынды шығарады, жеңімпаздар мен жүлдегерлерді анықтайды.

3. Фестиваль-байқауды өткізу мерзімі мен тәртібі

3.1. Фестиваль – байқаудың облыстық кезеңі қашықтық  форматта 2025 жылғы 18-20 ақпанында өткізіледі.

3.2. Фестиваль-байқауға қатысуға өтінімдер (1-қосымша) қалалық (аудандық) білім бөлімдері басшыларының қолымен 2025 жылдың 12 ақпанына дейін konkurs.vko@mail.ru электрондық поштаға жіберіледі.

3.3. Өтінімге www.youtube.com арнада орналастырылған бейнематериалдардың сілтемелер қоса беріледі.

4. Фестиваль-байқауға қатысушылар

4.1. Фестиваль-байқауға балалар музыка мектептері мен балалар өнер мектептерінің, Оқушылар сарайы жанындағы балалар музыка мектептерінің (мамандандырылған музыка мектептері мен колледждерден басқа) қазақ және орыс халық аспаптары (домбыра тенор, үш ішекті домбыра, қобыз прима, қыл қобыз, жетіген, шертер, баян, аккордеон, домра, балалайка, гитара) бөлімдерінің білім алушылары – солистері мен ұжымдары қатысады.

4.2. Қатысушылар Фестиваль-байқау ұйымдастырушыларына www.youtube.com арнасында орналастырылған бейнематериалдарға сілтемелерді жібереді.

5. Фестиваль-байкаудың шарттары мен тәртібі

5.1. Фестиваль-байқау келесі номинациялар бойынша өткізіледі:

1. Жеке орындаушы.

2. Музыкалық ұжымдардың өнер көрсетуі.

5.2. Солистер төмендегі жас санаттары бойынша өнер көрсетеді:

1) кіші жас тобы – 7-10 жас;

2) орташа жас тобы – 11-13 жас;

3) ересек жас тобы – 14-17 жас.

Қатысушылардың жасы ағымдағы жылғы 25 ақпандағы жағдай бойынша анықталады.

5.3. Кіші жас тобына байқауға қатысушыларға қойылатын бағдарламалық талаптар музыка мектебінің ІІІ сыныптан, орта жас тобының ІV сыныптан, жоғары жас тобының V сыныптан білім алушылар үшін бағдарламалық талаптардан төмен болмауы тиіс.

5.4. Музыкалық ұжымдардың өнер көрсетуі. Фестиваль-байқаудың музыкалық ұжымының құрамына жоғары сынып оқушылары қатысады.

Бұл ретте ұжымға қатысатын тұлғаларға ересек жас тобының солистері қатысуға рұқсат етіледі.

5.5. Бейне сапалы, бір роликпен тоқтаусыз жазылуы керек. Кіші және орта топ үшін бір сілтеме, ересек топ үшін екі турға екі сілтеме болуы тиіс, бұл ретте бір қатысушының жұмысын бөлуге және «қиюға» жол берілмейді. Орындаушының беті мен қолы айқын көрінетін бейнетаспа болу керек. Музыкалық шығарма толық, сапалы, тоқтаусыз, кеспей және монтажсыз бір роликпен жазылуы керек. Бейне жанды орындау форматында түсірілуі керек. Дыбыс сыртқы шу қосылмай (мысалы, көрермендер, әңгімелер және т.б.) жазылуы керек. Бейне түсірілімінің анықтығын қамтамасыз ету үшін жақсы жарықтандыруды пайдалану міндетті. Сыртқы дыбыстық кедергілерді болдырмау үшін түсірілім тыныш бөлмеде жүргізілуі тиіс.

5.6. Музыкалық ұжымдардың құрамына дирижердің немесе концертмейстердің қатысуына рұқсат етіледі. Дирижер мен концертмейстер қатысушылардың санына кірмейді.

5.7. Бағалау өлшемдері:

– стильдер комбинациясының өзгергіштігі, өзіндік ерекшелігі және үйлесімділігі;

– интонацияның тазалығы және музыкалық жүйе;

– музыкалығы, көркемділігі, шығармаларды орындаудағы сенімділігі;

– техника және орындау деңгейі;

– жоғары сапалы орындау.

6. Фестиваль-байқауды қорытындылау және қатысушыларын марапаттау

6.1. Кәсіби қазылар алқасы байқау жұмыстарын бағалайды. Қазылар алқасының мүшелері бағалау парақтарын толтырады, байқау жұмыстарын бағалау өлшемдеріне сәйкес балл қояды. Қазылар алқасының шешімі түпкілікті және хаттамамен ресімделеді.

6.2. Фестиваль-байқау қорытындысы бойынша қазылар алқасы жеңімпаздарды анықтайды. Жеңімпаздар Бас жүлде, І, ІІ, ІІІ дәрежелі дипломдарымен марапатталады. Фестиваль-байқаудың барлық қатысушыларына қатысу туралы сертификаттар беріледі.

6.3. Фестиваль-байқау қорытындысы ДпҚББД ШҚ ҒӘ «Дарын» орталығының https://shygysdaryn.ai.kz/ сайтында жарияланады.

Анықтама телефоны: 8(7232) 75-26-91

7. Фестиваль-байқауды қаржыландыру.

7.1. Іс-шараны қаржыландыруды бекітілген сметаға сәйкес Шығыс Қазақстан облысы білім басқармасының ДпҚББД ШҚ ҒӘ «Дарын» орталығы жүзеге асырады.